2021-06-30
280 جار خوێندراوەتەوە
+
-
لە خولى باسکەى ئەمریکا، ئەتلانتا هۆکس لە میلواکى باکسى بردەوە و بردنەوەکانى نێوانیانى یەکسانکردەوە.
لە چوارەم یارى نێوانیان لە قۆناغى پێش کۆتایى ناوچەى ڕۆژهەڵاتى خولى باسکەى یانە پیشەگەرەکانى ئەمریکا ئێن بى ئەى، ئەتلانتا هۆکس و میلواکى باکس ڕووبەڕووى یەکبوونەوە.
ئەتلانتا کۆنترۆڵى یارییەکەى کرد و بە جیاوازى 22 خاڵ و بە ئەنجامى 110 خاڵ بەرامبەر بە 88 خاڵ یارییەکەى لە سودى خۆى کۆتایى پێهێنا.
بەمەش ئەتلانتا لە چوارەم یارى نێوانیاندا دووەم بردنەوەى بەدەستهێنا و بردنەوەکانى نێوانیانى یەکسانکردەوە، کە میلواکى باکسیش دوو یارى بردووەتەوە.
بڕیارە هەینى داهاتوو هەردوو یانە بۆ پێنجەم جار ڕووبەڕووى یەکببنەوە و هەر یەکێکیان چوار یارى بباتەوە، سەرکەوتن بۆ یارى کۆتایى بەدەستدەهێنێت.
گ . ف