تەواوی چاوپێکەوتنەکەى رۆناڵدۆی پورتوگالی و یاریزانی یۆڤانتۆس

2019-12-26

8210 جار خوێندراوەتەوە

+ -

کریستیانۆ رۆناڵدۆ لەماوەى رابردودا چاوپێکەوتنێکی دورودرێژی ئەنجامداوەو باسی لە چەند پرسێکی جیاواز کردوە.

 

وەڵامی پرسیارەکان

رۆناڵدۆ: گرنگ نیە چۆن ناوم دێنن، لەماڵەوە پێم دەڵێن رۆناڵدۆ، لە قوتابخانە پێیان دەوتم کریستیانۆ، هاندەران دەڵێن CR7

 

رۆناڵدۆ: تۆپی پێ بەلای منەوە گرنگترین شتە، لەگەڵ ئەوەشدا ئێستا خەریکی بازرگانیشم

 

رۆناڵدۆ: قورسترین ئەو کەسانەى من راهێنانیان لەگەڵ دەکەم کیلینی و پۆنۆچی و دیلیختن، کیلینی لەهەمویان بەهێزترەو پێشتر زۆر روبەروی بومەتەوە

 

رۆناڵدۆ: من رۆشنبیری ئیتاڵیام خۆشدەوێت

 

رۆناڵدۆ: چامپیۆنز لیگ بەهێزترین رکابەرییە لە جیهاندا، حەزم بە یاریکردنە تیایدا

 

رۆناڵدۆ: نازناوی باشترین یاریزانی ئیتاڵیام بەدەستهێناوە، سوپاسی ئەوانە دەکەم دەنگیان پێداوم و شانازی دەکەم، بەڵام یاریزانی زۆر باش هەیە لەخولەکە

 

رۆناڵدۆ: هەموو شتێکی یۆڤانتۆسم پێ خۆشە، مێژوویەکی جوانی هەیە و خۆشحاڵم تیایدا، دەمەوێت زۆرترین نازناوی تیا بەدەست بهێنم

 

رۆناڵدۆ: بیرمە سەرەتاى یاریکردنم ورەم زۆر بەرز بوو

 

رۆناڵدۆ: پاش ماوەیەک یاریکردن بۆ سپۆرتینگ پێیانوتم فێرگسۆن دەیەوێت بتکرێت، هەرگیز چاوەرێی ئەوە نەبوم، گەیشتمە ئینگلتەرا و دەستبەجێ گرێبەستیان لەگەڵ ئیمزاکردم

 

رۆناڵدۆ: ئامانجی یەکەمم ئێستا بەدەستهێنانی نازناوەکانە، لەگەڵ مانەوەم لە باشترین ئاستدا، پاش 20 ساڵ ئێستا بەرپرسیارێتیم زیاتر لەسەرە، دەمەوێت بۆ ماوەیەکی زۆر یاریی بکەم

 

رۆناڵدۆ: کاتێک لە مەدرید بوم بە رێکەوت بەو شێوەیەى ئێستا ئاهەنگم گێرا، باوەرم نەدەکرد کە بەو شێوەیە چوە ناو خەڵکەوە،بۆیە لەسەری بەردەوامم

 

رۆناڵدۆ: هەموو راهێنەرەکانی کارم لەگەڵ کردون گرنگیان هەبوە بۆ من

 

رۆناڵدۆ: ناتوانم بڵێم ئێستا بیر لە کاری راهێنەرایەتی دەکەمەوە، بەڵام با بزانین لەداهاتودا چی رودەدات

 

رۆناڵدۆ: بە دڵنیاییەوە ئەوەى دەیزانم دەیگوازمەوە بۆ یاریزانەکانم

 

رۆناڵدۆ: یۆرۆی 2016 گرنگترین نازناوە بەدەستم هێناوە، ئەو شەوە پێکەنیم، گریام، ئازارم چەشت، من لەو کەسانەم کە مادەى کحولی ناخۆمەوە، بەڵام ئەوە شەوەجیاواز بوو بۆ ئێمە

 

رۆناڵدۆ: جوانترین گۆڵم ئەوە بوو کە لە یۆڤانتۆسم تۆمارکرد، بەرامبەر بوفۆنی بەتوانا، چەپڵە لێدانی هاندەران بۆ من زۆر جیاواز بوو، دواى یارییەکە بوفۆن پیرۆزبایی لێکردم

 

رۆناڵدۆ: ئێستا یەکەم کەسم نازناوەکانی خولی ئیتاڵیا و ئیسپانیا و ئینگلتەرام بەدەستهێناوە

 

رۆناڵدۆ: لە ئیسپانیا فشاری زیاترم لەسەر بوو، دایکیشم بەردەوام پشتگیری دەکردم بۆ ئەوەى گۆڵ بکەم و باشتر بم، ئێستا کە خێزانم هەیە ئەزانم دایکم بۆ واى کردوە

 

رۆناڵدۆ: ئەگەر چێژ نەبینی لە راهێنان کردن قورسە بتوانیت بەردەوام بیت، رەخنەگرتن بەشێکە لە یاریکردنی تۆپی پێ، من دەزانم کێم و دەشزانم ئەتوانم چی بکەم ، دڵنیام لەکۆتایدا پێم دەڵێن ئافەرم