​نوێترین چاوپێکەوتنی ئیبراهیمۆڤیچی سویدی

2020-12-05

2164 جار خوێندراوەتەوە

+ -

ئیبراهیمۆڤیچ باس لە گۆڕینی شێوازی یاریکردنی خۆی دەکات لەگەڵ میلان بە بەراورد بە 10 سالی رابردوو، ئاماژەى بەوەشدا کە ئەو واز لە یاریکردن دەهێنێت و چیتر گرێبەستەکەى درێژ ناکاتەوەو پێویستی بە پشوە.

 

چاوپێکەوتنی ئیبرا لەگەڵ سکاى سپۆرت

// من لە بەرشەلۆنە بوم و یاریمان هەبوو لەگەڵ میلان، دواى هەفتەیەک ، گالیانی هاتە ماڵەکەمەوە ، چاکەتەکەى داکەند و وتی ناڕۆمەوە تا نەیەیتە میلانەوە

 

// ئەوکات من لە بەرشەلۆنە توشی کۆمەڵێک کێشە بوبوم کە نەمدەزانی چییە، میلانیش گرنگی پێ دەدام، ئەوکاتیش من شاری میلانۆ شارەزابوم، تیپێکی وەک میلانیش گرنگیت پێ بدات نابێ رەتی بکەیتەوە

 

// هەمیشە حەزم لە تەحەداى نوێ بوە، وزەیەکم دەداتێ کە باشتر بم، ئەزمونی یەکەم جارم لەگەڵ میلان وەک ئێستا نەبوو، ئێستا جیاوازە

 

// ئێستا کە گرێبەستم ئیمزاکرد لەگەڵ میلان وتم بۆ من گرنگترە میلان بخەمە لوتکە نەک لەگەڵ تیپەکانی تر بردنەوە بەدەست بهێنم

 

// پێشتر هەمان دۆخم هەبو لەگەڵ مانچستەر یونایتد کە چومە ریزەکانیانەوە وتیان تەمەنی زۆرەو پیرە، بەڵام دواتر هەموی قسەیەکی تری کرد

 

// ئەمرۆ ئەو شتانە ناکەم کە 10 ساڵ لەمەوبەر کردومن، بەڵام هەستیش ناکەم وزەم کەم بوبێتەوە، لەبەرئەوەى 10 ساڵ لەمەوبەر یاریزانی کوالیتی باشتر لە میلان هەبوو

 

// ئەمرۆ من ئەزمونێکی ترم هەیە ، بەرێگەیەکی تر هەوڵی بردنەوە دەدەم، نامەوێت پاسی هەڵەم بۆ بێت

 

// شێوازی پیۆلی راهێنەرم پێ خۆشە، هاوسەنگی دروستکردوە ، رێگەیەکی دۆزیوەتەوە بۆ ئەوەى باش یاریی بکەم، من ئەمەوێ بەردەوام یاریی بکەم، هەندێ جار دەیەوێ پشوم پێ بدات، رێزی بڕیارەکانی دەگرم

 

// بیرم لە وازهێنان کردۆتەوەو دەمەوێت لەگەڵ خێزانەکەم بم لە سوید، 6 مانگی زۆر باشم بەرێکردوە، بەڵام گرێبەستەکەم درێژ ناکەمەوەو بە پیۆلی راهێنەریشم وتوەو ئەویش رێزی لە بریارەکەم گرتوە.