2021-02-24
1597 جار خوێندراوەتەوە
+
-
لە هەفتەى داهاتوودا چالاکیەکانى یەکێتى تۆپى پێى کوردستان دەستپێدەکەنەوە و کات و شوێنى یارییە ڕاگیراوەکەى هەڵەبجە و سەیدسادقیش دیارى کرا.
یەکێتى تۆپى پێى کوردستان لە کۆبوونەوەى هەفتانەى خۆیدا بڕیاریدا، لە سێشەممە و چوارشەممە و پێنجشەممەى داهاتوودا کێبڕکێکانى خولى پلە یەک و نایابى تۆپى پێى کوردستان دەستپێبکەنەوە.
یەکێتییەکە بڕیاریداوە، سەرجەم یارییەکان بەبێ ئامادەبوونى هاندەران بەڕێوەبچن، لە پێناوى ڕێگریکردن لە بڵاوبوونەوەى ڤایرۆسى کۆرۆنا.
هاوکات بڕیاریدا، لە شەممەى داهاتوودا یارییە ڕاگیراوەکەى نێوان هەڵەبجەى شەهید و سەیدسادق لە هەفتەى شەشەمى پلە یەکدا لە یاریگاى فەرماندەیى لە سلێمانى ئەنجامبدرێتەوە لەو خولەکەوەى کە ڕاگیراوە و بە لێدانە سزا هەژمارکراوەکەى سەیدسادق دەستپێدەکاتەوە.
هۆکارى سەرەکى ڕاگیرانى چالاکیەکانى تۆپى پێ لە ماوەى ڕابردوودا بەهۆى بایکۆتکردنى ناوبژیوانانى خولەکانەوە بوو، کە شایستە داراییەکانیان بۆ خەرجنەکراوە و لەهەمان کاتدا لە یارییەکاندا ڕووبەڕووى توندوتیژى دەبنەوە.
گ . ف
