2018-06-12
4449 جار خوێندراوەتەوە
+
-
ئەلیسۆنى گۆڵچى رۆما ئاشکرایکرد هیچ گرێبەستێکى بەدەستنەگەیشتووە و دووپاتیشى دەکاتەوە لە یانەکەیدا دڵخۆشە.
ئەلیسۆن بیکەرى گۆڵچى یانەى رۆما و هەڵبژاردەى بەڕازیل لە لێدوانێکى کورتدا، کە رۆژنامەى مارکاى ئیسپانى بڵاویکردووەتەوە دەڵێت "هیچ گرێبەستێکم لە یانەى ترەوە بەدەستنەگەیشتووە و من دڵخۆشم لە رۆما و لە ئێستادا سەرنجم لەسەر بەڕازیلە لە مۆندیالى ٢٠١٨ى روسیادا".
بەمەش ئەلیسۆن دەرگارى بەڕووى ئەو یانە گەورانەى ئەوروپا داخست، کە هەوڵى گواستنەوەیان دەدا و دیارترینیشیان ریاڵ مەدرید و لیڤەرپوڵ و پاریس سان جێرمان بوون.
راپۆرتە رۆژنامەنوسیەکانى ئیسپانیا لە ماوەى رابردوودا ئاماژەیان بەوە دەکرد، ریاڵ مەدرید ئارەزوو دەکات لە ماوەى گواستنەوەى هاوینەى یاریزاناندا ئەلیسۆن بە ٦٠ ملیۆن یۆرۆ بگوازێتەوە ریزەکانى.
گ . ف