2021-06-30
611 جار خوێندراوەتەوە
+
-
مۆرینیۆ هیوادارە ئیتاڵیا و ئینگلتەرا بگەنە یارى کۆتایى جامى یۆرۆ و هارى کینیش جامەکە بەرزبکاتەوە.
لە لێدوانێکى ڕۆژنامەنوسیدا، کە سایتى فوتبۆڵ ئیتاڵیا بڵاویکردووەتەوە، خۆسێ مۆرینیۆى پورتوگالى ڕاهێنەرى یانەى ڕۆماى ئیتاڵى دەڵێت "هیوادارم ئینگلتەرا و ئیتاڵیا لە یارى کۆتایى جامى یۆرۆ ببینم".
لە بەشێکى ترى قسەکانیدا مۆرینیۆ دەڵێت "دواى ئەوەى پورتوگال لە جامەکەدا نەماوە، هەست دەکەم بە ئیتاڵیاوە بەستراومەتەوە بەهۆى ئەوەى ڕاهێنەرى ڕۆمام و چەند یاریزانێکم لەو هەڵبژاردەیەدان، هیواى باشترینیان بۆ دەخوازم".
مۆرینیۆ ئاشکراشیکرد، گەر ئیتاڵیا و ئینگلتەرا بگەنە یارى کۆتایى یارییەکى نمونەیى دەبێت بۆ ئەو، لەبەرئەوەى ئێستا هاندەرى ئینگلتەرایە و پێشیخۆشە هارى کینى هێرشبەرى ئەو هەڵبژاردەیە جامى پاڵەوانێتییەکە بەرزبکاتەوە.
گ . ف
