بزانە کەى قۆناغى چارەکى کۆتایى جامى یۆرۆ دەستپێدەکات

2021-06-30

1971 جار خوێندراوەتەوە

+ -

قۆناغى 16ى جامى یۆرۆ کۆتایى هات و دووى تەموزى داهاتوو قۆناغى چارەکى کۆتایى بە یارى نێوان سویسرا و ئیسپانیا دەستپێدەکات.

هەشت هەڵبژاردە سەرکەوتنیان بۆ قۆناغى چارەکى کۆتایى جامى نەتەوەکانى ئەوروپا بەدەستهێنا و دواى سێ ڕۆژ پشوو، کێبڕکێکانى قۆناغەکە دەستپێدەکەن.

لە یەکەم یاریشدا، هەینى داهاتوو کاتژمێر حەوتى ئێوارە، هەردوو هەڵبژاردەى ئیسپانیا و سویسرا لە یاریگاى گازپرۆم ئەرینا لە شارى سانت پترسبۆرگى ڕوسیا ڕووبەڕووى یەکدەبنەوە.

لە هەمان ڕۆژدا و کاتژمێر 10ى شەو، لە یارى لوتکەى قۆناغەکەدا، هەردوو هەڵبژاردەى ئیتاڵیا و بەلجیکا بەرامبەر بەیەک یارى دەکەن و یارییەکەش لە یاریگاى ئەلیانز ئەرینا لە شارى میونشنى ئەڵمانیا بەڕێوەدەچێت.

براوەى هەردوو یارییەکە لە قۆناغى پێش کۆتایى پاڵەوانێتییەکەدا ڕووبەڕووى یەکدەبنەوە، کە شەشى تەموزى داهاتوو دەستپێدەکات.

 

گ . ف